QUEREMOS COÑECER A VOSA OPINIÓN

Bo día!

Estamos chegando ao final do curso e é tempo de valoracións, de botar un ollo hacia atrás e ver como foi este ano. Un ano distinto, dende marzo levamos confinados nas nosas casas e iso fixo que a nosa de aprender e relacionarnos cos demais cambiou completamente.

Con respecto á Educación Física tamén variou moito, non poidemos facer xogos cos compañeiros/as, os nosos deportes e actividades preferidas, empregar materais do pavillón... en definitiva xogar, divertirse e aprender cousas novas.

Os mestres de Educación Física intentámonos adaptar á situación e prepararvos actividades e retos para que vos fora un pouco máis ameno e divertida a vosa estancia nas vosas casas, agardamos que vos gustaran.

A actividade desta semana é un cuestionario online no que se vos pide a vosa opinión sobre como foi o curso, o que máis vos gustou, cales foron os vosos xogos preferidos...

É unha actividade opcional na que tendes que ir respondendo as preguntas plantexadas. As vosas respostas só as veremos os mestres e non serán publicadas. Serviranos para coñecer a vosa opinión, ver o que fixemos ao longo do curso e o que podemos cambiar para o ano que ven.

Boa semana rapazada!



Ver máis...

RETO SEMANAL ESTELA

Estela, da clase de 5º C, enviounos este vídeo facendo un dos retos que propuxemos esta semana. Ollade que ben o fai!

Ver máis...

MURAL EF AO AIRE LIBRE. ACTIVIDADES PRIMEIRA SEMANA XUÑO

Bo día!

Gustarónnos moito todas as fotos que nos mandastes facendo actividade e deporte ao aire libre, nótase que seguides en movemento, continuade así!
No seguinte enlace aparecen todas as fotos, dende nenos de infantil ata os máis maiores, están todas as fotos mezcladas, a ver se atopades a todos os vosos compañeir@s!

Esta semana o que vos propoñemos e que continuedes facendo a actividade que máis vos guste: andar en bici, montar en patinete, xogar ao fútbol, baloncesto, tenis..., xogar coa vosa familia na praia, dar paseos polo monte, bailar...

Intentamos facelo todos os días, e polo menos 1 hora de actividade diaria? E se conseguides que os vosos pais, irmáns ou outras persoas coas que convivides o realicen con vós, sería xenial!!

E cando cheguedes a casa cansos de tanto xogar e moverse, propoñemos uns retos para xogar en familia. Só tendes que coller calcetíns, unha silla e uns cantos bonecos. No seguinte vídeo explícanvos os retos que tedes que facer con eles.
É unha boa maneira de acabar o día e pasar un bo rato coa familia. Animádevos!



Ver máis...

RETOS EN FAMILIA

Bo día chic@s!

Recibimos moitos correos coas vosas fotos facendo exercicio ao aire libre, moi ben continuade así! Os que non vos animastes a mandar a vosa foto aínda estades a tempo, ampliamos un par de días máis o prazo. A finais desta semana subiremos ao blogue o mural con todas as vosas fotos.

Esta semana vos propoñemos unha canle de Youtube para facer retos en familia. Tedes retos de tódolos tipos, con diversos materiais, para facer en solitario ou en familia, retos sinxelos e outros máis complicados... Botádelle un vistazo e facede os que máis os gusten.

Cada día suben retos novos, están moi ben!

Continuade facendo un pouco de exercicio físico todos os días e tamén coidade a alimentación, desta maneira seguiremos crecendo sans e fortes!

Moito ánimo e un saúdo!

Ver máis...

MOVÉMONOS AO AIRE LIBRE

Bo día!

Que gañas tiñamos de que fixera bo tempo, verdade? E agora que podemos saír un pouquiño máis das nosas casas, agradécese que non chova e poidamos gozar xogando ao aire libre e dando paseos coa nosa familia.

A actividade que propoñemos esta semana, ten relación co bo tempo que nos agarda.

QUE ACTIVIDADE TEMOS QUE FACER?

Calquera actividade física ao aire libre: montar en bicicleta, pasear, xogar ao fútbol, xogar coa raqueta, saltar á comba, saír co patinete... A que vós queirades!

QUE TEMOS QUE MANDAR?

Temos que mandar unha foto xogando ou realizando actividade física ao aire libre.
A dirección do correo é a seguinte:
eugeniolopez.cee@gmail.com ou andres.pazos@edu.xunta.es

QUE IMOS FACER OS MESTRES CON ESAS FOTOS?

Imos facer un mural ou collage con todas esas fotos do alumnado do noso colexio e logo o publicaremos no blogue do cole.
Cal será a aula onde máis nenos e nenas practican actividade física?

CANTO TEMPO TEMOS DE PRAZO PARA MANDAR AS FOTOS?

Podedes mandar as fotos ata o DOMINGO 24 DE MAIO.


Non é unha actividade obrigatoria pero si recomendable, é moi importante continuar facendo actividade física, xogar e pasalo ben. Ademais os mestres botámosvos de menos, é unha maneira de vervos en acción.

Ánimo chic@s! Ver máis...

XOGOS TRADICIONAIS NA CASA

Bo día!

Que tal vos foi a semana pasada? Xa puidemos saír á rúa e gozar de pequenos paseos e xogar ao aire libre, semella que a situación vai mellorando pero hai que seguir actuando con responsabilidade e tomando as precaucións axeitadas en cada momento. Moito ánimo!

Nesta semana propoñemos un par de actividades dende a área de Educación Física.

A primeira delas ten relación cos xogos que íamos traballar nas sesións de Educación Física nestes días, os xogos tradicionais. Propoñémosvos un test para comprobar os coñecementos que temos sobre esta importante parte da nosa cultura. Podemos pedir axuda aos nosos pais ou avós para responder as preguntas. A ver quen é capaz de acertar todas as preguntas!





A segunda proposta é unha manualidade para crear un xogo tradicional típico da nosa terra,o xogo da rá. Deixámosvos os pasos para crear este xogo.

A última proposta que vos facemos é que preguntedes nas vosas casas que xogos practicaban os vosos pais e avós. Pensade nos xogos que se facían antes e aos que xogades vós agora, hai moitas diferenzas verdade?

Podedes escribir nesta mesma publicación que xogos tradicionais coñecedes, cales eran os que máis lles gustaban aos vosos pais, cales queredes coñecer e practicar...

Animádevos a participar e comentade, estamos esperando as vosas respostas!

Un saúdo dos vosos mestres!

Ver máis...

RECOPILATORIO RETOS 5º E 6º PRIMARIA

Bo día!

Hoxe vos traemos os retos realizados polo alumnado de 5º e 6º de Primaria nestas semanas de confinamento.
Animádevos a imitar aos vosos compañeiros/as! Non vos esquezades de seguir realizando actividade física e aproveitade para poder pasear e xogar un pouco nos momentos permitidos polas autoridades.

Ánimo rapazada!

Ver máis...

RECOPILATORIO RETOS 1º E 4º PRIMARIA

Bo día!

Hoxe vos traemos os retos que nos mandaron os nenos e nenas de 1º a 4º de Primaria. Hai un pouco de todo: bailes, habilidades ximnásticas, manipulacións, circuitos de coordinación...

Botádello un vistazo e animádevos a intentar imitar aos vosos compañeiros/as.

Podedes comentar nesta publicación cal foi o reto máis complicado, o que máis vos gustou...

Os retos dos maiores serán publicados ao longo desta semana!

Moito ánimo rapazada!

Ver máis...

Recomendacións CSD

Bo día!

Hoxe vos traemos as recomendacións do CSD (Consello Superior Deportes) para seguir mantendo estilos de vida saudable durante o confinamento.
Están basados en evitar o sedentarismo, aumentar a actividade física, reducir o tempo de uso de aparellos electrónicos e no coidado da alimentación entre outros aspectos.

Por outra banda, xa chegaron unha gran cantidade de retos dos que vos propuxemos a semana pasada. Deixamos ata mañá venres 1, como data límite para seguir mandando aqueles que desexedes, recordamos que é unha actividade voluntaria. A semana próxima subiremos un par de vídeos nos que poderedes ver aos vosos compañeiros/as.

Moito ánimo!

Ver máis...

DÍA DE LA EF EN CASA

Hoy 28 de Abril se celebra el Día de la Educación en Casa  #DEFC. Nuestro cole se unió a esta iniciativa, más de 1200 coles de toda España y cerca de 250.000 alumnos y alumnas van a realizar EF en sus hogares para celebrar este día. Vamos conocer un poco más esta iniciativa:

¿QUÉ ES EL DÍA DE LA EDUCACIÓN FÍSICA EN LA CALLE/CASA?

El #DEFC es una iniciativa que surgió en 2011 de la mano Fran Flórez, profesor de EF, que decidió salir a la calle con todos sus alumnos a impartir sus clases, en una localidad asturiana llamada Laviana.  Su objetivo era mostrar a los vecinos lo que es la actual EF y como es el trabajo que se realiza en el aula. Algo desconocido para casi todos los vecinos.

Este año al no poder realizar la actividad física en la calle, la iniciativa se cambió por Educación Física en casa.

¿CUÁLES SON LOS OBJETIVOS?

- Mostrar la importancia de la Educación Física para el desarrollo integral e integrado en todas las edades.

- Dar a conocer la nueva Educación Física: integradora, variada y divertida orientada a transmitir hábitos de vida saludable.

- Fomentar la práctica de actividades físicas variadas y en compañía para el bienestar físico, psíquico y social.

- Mostrar a la sociedad parte del trabajo realizado en las clases de Educación Física.

EDUCACIÓN FÍSICA EN EL CONFINAMIENTO

Ya llevamos más de un mes confinados en nuestros hogares, nuestros hábitos de actividad física y movimiento han cambiado. La Educación Física es muy importante en esta situación para el mantenimiento del bienestar físico, psíquico y social. 

Realizar actividad física diaria y a poder ser en compañía, nos va ayudar a llevar un poco mejor esta situación.

¿COMO PODEMOS CELEBRAR DESDE NUESTRO COLE ESTA INICIATIVA?

La respuesta creo que es fácil no?  No solo este día si no todos los días, debemos realizar un poco de actividad física para mantenernos activos y no caer en el sedentarismo ni malos hábitos de salud. 

Os proponemos un par de actividades para que disfrutéis en familia y paséis un buen rato.

Recordad hacer un pequeño calentamiento antes de empezar a ejercicio y acabar con estiramientos al finalizar la sesión. Adapta los ejercicios a tus capacidades, si algún movimiento no sois capaces de hacerlo o os encontráis cansados, paramos un poquito, nos hidratamos y volvemos a la carga. Ánimo!

SESIÓN EF PARA PRIMARIA ( PARA TODAS LAS EDADES)

MOVILIDAD Y BAILE  RECOMENDADO 6-7 AÑOS

MOVILIDAD Y BAILE RECOMENDADO  8-12 AÑOS

Ver máis...

DÍA DO LIBRO

Hoxe 23 de Abril celebramos o día do libro. Dende o blogue da biblio do noso cole levan toda a semana celebrándoo, pásate por alí e sumérxete no mundo literario, xa sabes que é marabilloso!

Aquí vos deixamos a lectura do Quijote en versión infantil que fixeron varios dos deportistas máis importantes do noso país: Mireia Belmonte, Gómez Noya, Carolina Marín, Miguel Indurain, Marín Fiz e Abel Antón. 

Disfrutádeo!

E lembra que aínda estás a tempo de mandar os videos dos retos semanais de Educación Física, anímate e participa!

https://www.marca.com/otros-deportes/2020/04/23/5ea175ca46163f8a1e8b45af.html Ver máis...

RETOS SEMANAIS EF NA CASA

Bo día!

Xa vai quedando menos! O estades a facer xenial, dentro de pouco xa volveremos á normalidade e faremos todas esas cousas que nos gustan.

Dende Educación Física ímosvos propoñer unha serie de retos semanais para que os fagades na vosa cosa. Incidimos na importancia da actividade física, unha boa alimentación e descanso.

Cada curso terá tres retos semanais que iredes practicando, non vos preocupedes se non vos sae a primeira, con esforzo e gañas conseguiredes todos os retos que vos propoñemos.

No seguinte documento aparecen os retos e as normas para facelos, anímamosvos a practicalos e a mandarllos aos profes para que así vexamos como o estades a facer.

ÁNIMO A TODOS E TODAS!

Ver máis...

Recomendacións para os máis pequenos

Novamente volvemos a compartir o traballo que realiza Jorge para o concello de Cee. Desta volta proponvos de novo actividades para realizar nas vosas casas e exemplifícaas para ensinarvos como realizalas. No día de hoxe practicaredes percorridos, lanzamentos e respiración.
Premede no enlace: Actividade física para os máis peques

Ver máis...

JUMAN-EF: XOGO EN FAMILIA

Bo día:

Como levades o confinamento? Estase a facer duro non poder saír, xogar cos nosos amigos e amigas, ver aos nosos seres queridos, practicar o noso deporte preferido..., pero temos que resistir, facer caso as indicacións e intentar levar o mellor posible esta etapa. Moito ánimo a todos, en especial aos pequenos da casa!

Dende a área de EF, animámosvos a que non deixedes de facer exercicio nestes días, sabemos que non é o mesmo xogar en grandes espacios e cos nosos amig@s que ter que facelo na nosa casa. Os nen@s necesitades movemento, soltar esa enerxía que tedes e xogar, xogar moito.

Ímosvos ir propoñendo diferentes actividades, retos, probas para que intentedes levar o mellor posible este confinamento. E cando todo isto remate, volveremos a facer Ed. Física como realmente nos gusta, no colexio e cos nosos compañeir@s!

O xogo que vos propoñemos hoxe é para xogar en familia. Trátase dun xogo de mesa adaptado a nosa asignatura. Nel teremos que ir facendo diferentes probas na que traballamos a expresión corporal, a creatividade, imaxinación..., pero sobre o que pretendemos e que pasades un bo rato en familia e xoguedes coas persoas que están convosco.

Moito ánimo a todos

XOGO JUMAN EF

Ver máis...

Adestramento na casa

Se o pasado venres compartiamos un vídeo de Jorge, que vos propoñía unha serie de actividades físicas para realizar na casa; hoxe compartímosvos un vídeo doutro veciño noso, Dani Lema, de DAFIT, quen vos ensina uns exercicios para facer con materiais que tedes nas vosas casas.

Recordarvos tamén que hoxe, 6 de abril, é o Día Internacional do Deporte, e que mellor xeito de celebralo que practicando actividade física.

Se entrades na páxina de facebook de Dafit:  Dafit Centro de entrenamiento personal y ocio, nunha das publicacións de hoxe, veredes a Dani realizando as tarefas que vos propón.

Ver máis...

Actividade física na casa

O concello de Cee a través do servizo de Deportes Municipal, encabezado por Manuel Calo, promove a práctica de actividade física na casa nestes días de confinamento.
Hoxe, o noso veciño Jorge Rodríguez Lariño (irmán da profe Loli de 5º), mestre en educación física e licenciado en ciencias da actividade física e do deporte, proponvos unha sesión dirixida a vós, os nenos e nenas, para que a realicedes sós, ou como el ben di, acompañados por algún irmán ou outro familiar.
Premede na seguinte ligazón Actividade física na casa e veredes a proposta de Jorge, que ademais exemplifica cada un dos exercicios.

Ver máis...

Coordinación e habilidades motrices básicas

A proposta de hoxe consiste en realizar unha serie de tarefas motrices encamiñadas á mellora da coordinación (tanto dinámica xeral, coma óculo-manual) e das habilidades motrices básicas (desprazamentos, saltos e lanzamentos, neste caso).
Se non dispoñedes do material que aparece no vídeo, podedes substituílo por outro que teñades na casa.
Premede no enlace:  Coordinación e habilidades motrices

Ver máis...

Máis propostas para facer exercicio físico na casa

Hoxe traémosvos dúas novas propostas para que practiquedes actividade física na casa. Son vídeos con exercicios dirixidos e podedes ver como ser realizan.
Neste primeiro enlace entrenamiento funcional para niños tendes a posibilidade de realizar sós ou acompañados polos vosos familiares uns exercicios básicos que calquera é capaz de facer sen dificultade.

 Pero se queredes máis intensidade e suar un pouco, no seguinte enlace Kids Hiit tendes exercicios dirixidos e cronometrados para realizar series.

Animádevos e probade, a ver se vos gusta. Ver máis...

¿Xogamos á oca?

Se vos queredes entreter e divertirvos, propoñémosvos xogar á oca. Trátase dunha oca un pouco diferente ó xogo de mesa que coñecemos. Animádevos e probade a superar os retos coa vosa familia. A ver quen resulta vencedor.

Temos soamente unha norma:
      - Se non superamos o reto que nos toca realizar, temos que retornar á posición na que estabamos
        antes de lanzar o dado.

Ver máis...

Realizamos actividade física na casa

Despois de tantos días pechados na casa e sen ter a oportunidade de xogar e movernos ó aire libre, déixovos uns enlaces que vos poden servir para realizar un pouco de actividade física e divertirvos.

Non o imos a pasar tan ben coma xogando no pavillón, pero polo menos movemos un pouco o noso corpo.

En primeiro lugar, decirvos que TVE vai emitir diariamente a partir de mañá luns un programa para realizar actividade física na casa. Tedes a información no seguinte enlace: Muévete en casa

Nos enlaces que vos indico a continuación, tendes a opción de facer xogos con globos, con dados, uns cantos exercicios para movervos un pouco e finalmente uns estiramentos. Podedes aproveitar para facelo cos vosa familia (irmáns, pais, avós ...) a ver se deste xeito levamos un pouco mellor o estar pechados na casa.

Entrena en casa

Xogos con globos

Xogos con dados

Exercicio físico na casa


Ver máis...

Provincial de campo a través

Onte disputouse no Polígono de Bértoa, en Carballo, a fase provincial de campo a través para colexios e institutos, que dá por finalizada a temporada desta competición. Dende fai dous anos, a partir da proba provincial, esta modalidade deportiva divídese entre centros escolares e entidades deportivas (pois ata ese momento a competición era única e remataba no campionato autonómico).
Nesta ocasión, do noso colexio estaba clasificado o equipo alevín masculino, acudindo á carreira catro alumnos do centro: Lois Areas, Iker Franquet, Saúl Pasantes e Xoel Soto. Percorreron unha distancia de 1000 metros nun terreo embarrado que é a mellor opción para coñecer o cross escolar e disfrutar deste deporte. Isto engade un extra de dificultade e esforzo por parte dos participantes, e unha vez máis os nenos fixérono moi ben, conseguindo os seguintes resultados: Lois, posto 21; Saúl, posto 35; Iker, posto 41; e Xoel, posto 56. Na clasificación por equipos acadaron o oitavo posto.

Ver máis...

Intercomarcal de Noia

O pasado venres celebrouse en Noia a proba de campo a través correspondente á fase intercomarcal, organizada pola Secretaría Xeral para o Deporte. Unha cita á que acudían centros educativos e clubes de atletismo que clasificaron nas fases comarcais da Costa da Morte e do Barbanza.
Do noso colexio estaban clasificados os equipos benxamín feminino e masculino, alevín masculino, e da categoría alevín feminino, a alumna Lucía Ramos Pose.
Comezou a proba coa carreira de categoría benxamín feminino, na que as nenas destas idades correron unha distancia de 500 metros.

De esqerda a dereita están as nosas participantes, que finalizaron a proba nos seguintes postos:  Ana (44), Xulia (43), Daniela (49), Helena (34) e Noa (65). Na clasificación por equipos remataron no 8º posto.

A continuación, e despois dunha pausa na que agardamos pola chegada dos participantes dun colexio, foi a quenda dos benxamíns masculinos, que efectuaron a mesma carreira que as nenas da súa categoría.

Neste caso, os nosos corredores foron, de esquerda a dereita: Pedro (36), Brais (38), Iago (35), Iker (50) e Gael (56). Na clasificación por equipos remataron no 7º posto.

Logo participou como única alumna do centro da categoría alevín feminina, Lucía, que percorreu unha distancia de 1.000 metros e finalizou a proba no posto 29.

Os nosos derradeiros participantes foron os nenos de categoría alevín masculino, que realizaron a mesma carreira que as nenas da súa idade, 1.000 metros.

De esquerda a dereita: Saúl (34), Lois (4), Félix (59), Iker (29) e Xoel (24) quedaron clasificados no 2º posto por equipos e acudirán o vindeiro venres 6 de febreiro á fase provincial para centros educativos que terá lugar en Carballo.

Destacar coma sempre a ilusión e o esforzo que cada participante pon na carreira, e que serve para pasalo ben, coñecer novos compañeiros e compañeiras, ter unha nova experiencia, competir sabendo das nosas capacidades intentando facelo o mellor posible á vez que conscientes da distancia para rematar correndo, asi coma comparar o noso nivel persoal co doutros nenos e nenas da nosa idade.
E o máis importate de todo, facer grupo e pasalo ben cos nosos compañeiros e compañeiras do cole. Noraboa a todos e todas!

Ver máis...