Unidade didáctica desprazamentos 4º Primaria

Os alumnos/as de 4º de Primaria veñen de rematar unha unidade sobre desprazamentos. Estiveron traballando os desprazamentos máis habituais e coñecidos como son a marcha e a carreira e outros que non son tan habituais como os transportes ou os deslizamentos.
No seguinte vídeo poderedes ver unha mostra dos xogos e actividades que realizaron.

Ver máis...

Un serio problema

El 80% de los adolescentes del mundo no hace el ejercicio mínimo recomendado

Onte a OMS (Organización Mundial Saúde) publicou o maior estudo realizado sobre actividade física e deporte nos xóvenes do mundo. Os resultados son moi preocupantes, o 80% dos xóvenes entre 11 e 17 anos non realizan a actividade física diaria recomendada.

A OMS determina que o recomendable é realizar unha hora diaria de movemento e actividade física, neste estudo realizado en máis de 145 países, a meirande parte dos xóvenes non alcanzan este tempo recomendado.

Os niveis de obesidade, sedentarismo, enfermidades relacionadas con esta falta de exercicio ou os malos hábitos alimenticios, son un problema que debemos analizar e inculcar dende moi pequenos, a nosa saúde agradeceráoo.

O deporte e actividade física é saúde!

Ver máis...

Campaña de Inverno 2020

O próximo 4 de Decembro remata o prazo de solicitude para a campaña de esquí que promove o concello de Cee en colaboración coa Deputación da. Coruña. Para máis información botade un ollo a páxina web do concello https://cee.gal/es/actualidade/campana-de-esqui-2020/5294/ ou na oficina do servizo de deportes.

Ver máis...

RÉTANNOS AO BRILÉ!

A celebración do Magosto non só foi comer castañas e pasar un rato agradable cos nos nosos compañeiros/as, tamén tivo a súa parte deportiva. O alumnado de 6º retou aos mestres e mestras a xogar unhas partidas ao brilé. O resto dos cursos  animaron nas bancadas, uns aos seus compañeiros e outros aos mestres.

O resultado non era o importante, as risas e o bo ambiente estiveron presentes en todo momento. 

Non sabemos se desfrutamos máis os mestres ou os pequen@s!

Ver máis...

PROGRAMACIÓN DEPORTIVA MUNICIPAL 19-20

Retomamos o contido do blogue de Educación Física, aquí vos deixamos a programación deportiva do concello de Cee para este curso 19-20. 

Outra das actividades ofertadas na nosa zona é a escola de tenis, o Clube de Tenis a Xunqueira de Cee en colaboración co servizo municipal de deportes, inicia neste mes de Novembro as súas actividades no pavillón municipal de Brens.

Ver máis...

BAÚL XOGOS TRADICIONAIS

Boas!

Recibimos por parte da Secretaría Xeral para o Deporte un baúl moi especial, un baúl cheo de recordos da infancia dos nosos pais e avós, un baúl que nos leva á lembranza dos xogos tradicionais da nosa cultura.

O xogo é un elemento propio de todas as culturas, un transmisor de tradicións que os nosos nenos e nenas deben coñecer para o conservación do noso patrimonio cultural e artístico.

Dende a área de Ed. Física traballamos nas últimas semanas os xogos tradicionais galegos. Botamos un ollo ao pasado e xogamos a xogos como os péons, as canicas, as chapas, a comba, o aro ou os diferentes tipos de chave.
Traballamos de modo cooperativo facendo agrupacións con nenos/as de diferentes cursos, unha maneira diferente de facer Ed. Física que agardamos que lle gustara aos rapaces.

Deixámosvos unhas fotiños desta actividade!

Ver máis...

Provincial de campo a través

Onte celebrouse en Noia, no campo de fútbol de San Lázaro, a proba correspondente á fase provincial de campo a través entre centros escolares. Do colexio estaban clasificados Lucía e Lois de categoría benxamín; e o equipo infantil feminino. Era a derradeira fase entre escolares, debido a que este ano diferenciouse entre unha fase provincial entre clubes de atletismo (que permitía clasificar para o campionato galego) e outra entre centros escolares.

Comezou Lucía na carreira benxamín feminino percorrendo unha distancia de 600 metros, e como nesta fase xa se aprecia un nivel moi alto de tódolos participantes, o esforzo por facelo ben é bastante importante, e acabou a carreira en boa posición.

Na seguinte proba, en categoría benxamín masculino, Lois realizou o mesmo percorrido que Lucía e acabou segundo clasificado provincial, un resultado excelente dado o nivel dunha fase na que participan os nenos e nenas máis rápidos da provincia.

As últimas en participar foron as nenas de categoría infantil feminino, na que tan só acudiron á proba Maria Luz e Ethel, que percorreron 900 metros de distancia e que tamén o fixeron moi ben.

Coma sempre, felicitar ós nenos e nenas participantes, pola ilusión que lles fai e polo esforzo que realizan, e valorar que participar nunha fase provincial, tan só ser capaces de clasificarse para iso, xa ten un gran mérito.

Ver máis...